Autoriteti i Konkurrencës gjatë vitit 2018 ka vendosur mbi 269 mln lekë gjoba bizneseve të sektoreve të ndryshme. Telefonia celulare ka zënë 80% të këtyre gjobave të vendosura vitin e shkuar.
Referuar Raportit vjetor të Autoritetit të Konkurrencës, gjatë vitit 2018 u morën 87 vendime, dy herë më shumë se në vitin 2017. Vendimmarrja ka konsistuar në një sërë gjetjesh në formën e rekomandimeve, autorizimeve, vlerësimeve ligjore, masave të përkohshme përfshirë dhe vendimet e natyrës penalizuese.
Në vitin 2018, u vendosën 6 gjoba nga të cilat u mundësua vjelja dhe derdhja në buxhetin e shtetit të vlerës 269 milionë lekë. Për herë të parë në veprimtarinë e Autoritetit, vlera e gjobave të vjela së bashku me të ardhurat e arkëtuara nga autorizimi i përqendrimeve, rezultojnë 3.5 herë më të larta se gjithë buxheti i veprimtarisë së vetë institucionit.
Tregjet prodhuese të hetuara gjatë vitit 2018 prekën; gazin natyror, energjinë elektrike, duhanin, ujërat e ndotura, miellin dhe tregun agro-ushqimor të Tiranës.
Ndër tregjet joprodhuese të hetuara u prekën, rrjetet e supermarketeve, transporti ndërkombëtar detar, kontrolli teknik i automjeteve, prokurimet publike, etj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.