.png)
Për të garantuar mbarëvajtjen e procesit zgjedhor të 25 prillit në Shqipëri pritet të jenë në terren 7500 efektivë policie.
Drejtori i Rendit Publik Ylli Vasili zbardhi detaje nga plani me 4 faza që do të nisë në fillim të fushatës deri në dorëzimin e fletëve të votimit në KZAZ.
“Janë përcaktuar qartë 4 fazat. Kryesisht në fazën parazgjedhore si fazë e parë përgatitore. Në fazën e dytë garantimi i sigurisë dhe rendit gjatë fushatës zgjedhore. Në fazën e tretë që ka të bëjë me garantimin e rendit dhe sigurisë ditën e votimit, dhe në fazën e katërt që ka të bëjë me numërimin dhe transportimin e fletëve të votimit drejt KZAZ-ve”, tha Vasili.
Mësohet se Blutë do të kenë një regjistër ku do të shënohen veprat penale në fushën zgjedhore, dhe në të do të kenë qasje të gjithë qytetarëve. KQZ ka kërkuar nga policia që në zgjedhje të mos përfshihen punonjës me më pak se 4 muaj përvojë. Po ashtu nuk do përfshihen as forcat komando dhe efektivët e policisë kriminale, si edhe nuk do të lejohen grumbullimet e qytetarëve deri në 150 m pranë qendrave të votimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
