Kuvendi shpall listën e kandidatëve për Gjykatën Kushtetuese.
Janë 7 emra për të zëvendësuar në Gjykatën Kushtetuese gjyqtarin Fatos Lulo i shkarkuar nga vettingu, pasi nuk mundi të justifikonte pasurinë.
Kuvendi i Shqipërisë shpalli në datën 25.7.2018, hapjen e procedurave të aplikimit për vendin e lënë vakant nga Lulo.
Siç njofton Kuvendi, për gjyqtarë të Gjykatës Kushtetuese kanë aplikuar 7 kandidatë. Mes tyre bie në sy ish-Kryeprokurori Theodhori Sollaku dhe ish-ministri i Drejtësisë, Ilir Panda. Kandidatët janë:
Z. Theodhori Sollaku
Znj. Fiona Papajorgji
Z. Ilir Panda
Z. Sinan Tafaj
Znj. Elsa Toska
Znj. Valbona Bala
Z. Vasil Bendo
Gjyqtari i Gjykatës Kushtetuese, Fatos Lulo, u shkarkua nga detyra nga Kolegji i Posaçëm i Apelimit më 23 mars 2018.
Lulo u shkarkua përfundimisht pas një karriere 13-vjeçare në sistemin e drejtësisë për posedim pasurie të pajustifikuar.
Ndërkohë, Kuvendi i Shqipërisë njoftoi shpalljen e procedurës për vendin vakant të Fatos Lulos në Gjykatën Kushtetuese.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.