.png)
Nga Gazeta ‘Si’- Kuvendi zhvillon sot seancën plenare të radhës, ku në rendin e ditës janë parashikuar 6 interpelanca, dy prej të cilave janë kërkuar me kryeministrin Edi Rama.
Deputetët e opozitës kërkojnë shpjegime për emigracionin masiv të shqiptarëve, si edhe sqarime për nismën “Paketa e Maleve”.
Ministri i Infrastrukturës dhe Energjisë, Enea Karakaçi, do të përballet me dy interpelanca të tjera, të thirrura nga deputeti i PD Kliti Hoti, i cili kërkon shpjegime për projektet e vonuara infrastrukturore në Shkodër, ndërsa Gjin Gjoni për gjendjen e rrugëve në veri të vendit.
Në seancë është thirrur edhe ministri i Brendshëm, Besfort Lamallari, kërkuar nga një grup deputetësh të opozitës, ndërsa ministri i Jashtëm, Ferit Hoxha, do të japë llogari për procesin e integrimit europian, Planin e Rritjes dhe agjendën e reformave.
Në rendin e ditës janë përfshirë gjithashtu ratifikimi i marrëveshjes Shqipëri-Poloni për sigurimet shoqërore dhe një projektligj për nënproduktet me origjinë shtazore
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje