.png)
Shqipëria pret që të marrë gjysmë milioni vaksina Pfizer deri në përfundim të këtij viti. Shifra është komunikuar nga ministrja e Shëndetësisë, Ogerta Manastirliu, që tha se për këtë qëllim është miratuar edhe fondi prej 6 milionë dollarësh.
“Vendimi është për marrjen mbi 500 mijë dozave e Pfizer të cilat do të vijnë brenda këtij viti. Nëpërmjet këtij akti bëhet i mundur pagesa prej 6 mln dollarë dhe vijnë vaksinat Pfizer, për të plotësuar nevojat dhe disponibilitetin”, tha Manastriliu.
Ministrja u shpreh se në total në Shqipëri kanë mbërritur mbi 2 milionë doza. Ajo u shpreh se numri i përgjithshëm i popullsisë së vaksinuar është 35 për qind në total, ndërkohë që 900 mijë është shifra e personave që kanë marrë vetëm një dozë.
“Janë më shumë se 900 mijë qytetarë që kanë marrë dozën e parë të vaksinës rreth 44% e popullatës. Janë vaksinuar plotësisht me dy doza 35% e popullatës. Ndërkohë që për moshën mbi 60 vjeç janë vaksinuar mbi 64 % që është një përqindje e mbulesës vaksinale”, deklaroi ministrja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
