.png)
Reali i Madridit matematikisht kampion i La Ligas (për herë të 36-të në histori) katër javë para fundit të kampionatit. “Dhurata” për “Los Blancos” erdhi nga Girona, që mori një fitore spektakolare me përmbysje 4-2 ndaj Baercelonës në derbin katalanas.
Reali, aktualisht me 87 pikë, është i pakapshëm nga Girona, që ka 13 pikë më pak, kur janë vetëm 12 në lojë.
Barcelona, ndërkohë ka zbritur në vendin e tretë me 73 pikë, një më pak se Girona. Pra në katër javët e fundit gara mbetet e hapur mes Gironas dhe Barcelonës për vendin e dytë.
Duhet theksuar se Girona i ka shënuar plot 8 gola skuadrës “blaugrana” në dy ndeshjet e kampionatin në këtë sezon, pasi edhe në fazën e parë e ka mposhtur thellë 2-4. Për herë të parë në histori, Girona siguron kualifikimin në Champions.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
