“2 vjet punë…” Pas këtyre pamjeve mos e lini pa vizituar Amsterdamin

16:03 - 05 Qershor 2020

Nëse deri më sot nuk kishit pasur mundësi të vizitonit Amsterdamin, pasi të shihni këto foto e video, ndoshta do të bëni ç’është e mundur që të shkoni në kryeqytetin “de-facto” të Holandës.
Kjo video magjike, e quajtur 'Amsterdam - Shtëpia ime' dhe e postuar në YouTube, është krijuar për dy vjet nga fotografi i njohur i peizazhit holandez Albert Dros, i cili u transferua në këtë qytet disa vjet më parë.
Ai zbulon se dëshironte të tregonte bukurinë e qytektit, t'i bënte krenarë vendasit dhe të ndizte një “hidhërim” mes turistëve që të mos e linin kurrë Amsterdamin.

“U transferova në Amsterdam disa vjet më parë dhe më rrëmbeu fillimisht pamja e shtëpisë sime të re. Ka aq shumë bukuri në Amsterdam dhe herëpas here i fiksoja në fotot e mia. Por doja diçka më shumë. Kështu që vendosa ta fiksoj qytetin në një mënyrë "lëvizëse" – në këtë timelaps”, shprehet fotografi 34-vjeçar.
“Vendosa të punoja sa herë të kisha kohë dhe kur kushtet në qytet ishin të mira. Nuk kisha asnjë afat kohor. Filmi do të bëhej kur të ndjeja se kisha kapur pamjet e mjaftueshme të bukura”, thotë Dros.

Dhe si i gjeti ai këndet dhe skenat e qytetit? Duke përdorur një biçikletë, natyrisht.
“Thjesht mora biçikletën dhe nisa të endem nëpër qytet, në pjesë të tij që kishin shumë lëvizje, duke i kombinuar me “pikat e nxehta” të tij”, thotë fotografi. Burimi: DailyMail. Përshtati: Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.