Një plagosje me armë zjarri ka ndodhur pak para mesnatës në Tiranë.
Mësohet se 34-vjeçari Ergin Gjoni ka marrë një plumb në këmbë. Shkak është bërë një konflikt i çastit që ka pasur me dy vëllezër.
Autorët e kësaj ngjarje janë Klajdi Shanaj, 33 vjeç dhe vëllai i tij Ramandi Shanaj, 25 vjeç. I madhi prej vëllezërve është vënë në pranga për veprat penale “vrasje me dashje e mbetur në tentativë e kryer në bashkëpunim, armëmbajtje pa leje dhe prishje e qetësisë publike". Për të njëjtat vepra penale është shpallur në kërkim edhe vëllai 25-vjeçar i tij.
Për ngjarjen është shpallur në kërkim edhe një qytetar tjetër, Valter Pershpalaj, për “Moskallzim krimi” dhe “Plagosje e lehtë me dashje”.
Plagosja e të riut ndodhi në rrugën “Karaman Ylli”. Menjëherë pas ngjarjes ai u dërgua në spital dhe ndodhet jashtë rrezikut për jetën. Policia po vijon punën për të dokumentuar në mënyrë të plotë këtë ngjarje kriminale.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.