.png)
Situata e pandemisë në vendin tonë gjatë gjithë muajit prill ka qëndruar afërsisht në të njëjtin nivel rastesh të reja ditore.
3 qytetarë nuk mundën ta fitonin betejën me Covid-19 përgjatë këtyre 24 orëve në Shqipëri.
“Me gjithë përpjekjet e stafit mjekësor 3 qytetarë e kanë humbur betejën me COVID19: 2 qytetarë nga Tirana, 1 qytetar nga Shkodra, të moshave 54- 73 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve.”
Sa i përket të infektuarve, Ministria e Shëndetësisë thotë se pozitivë kanë rezultuar 118 qytetarë. Në total janë kryer 2079 testime.
“Rastet pozitive të konfirmuara janë identifikuar në këto bashki: 33 raste në Tiranë, 10 raste në Shkodër, 6 raste në Vlorë, Gjirokastër, 5 raste në Fier, Kukës, Lezhë, Skrapar, 4 raste në Devoll, Elbasan, Gramsh, 3 raste në Korçë, Tropojë, Sarandë, 2 raste në Krujë, Lushnje, Mirditë, Librazhd, Kuçovë, Vorë, Konispol, 1 rast në Durrës, Kurbin, Has, Mallakastër, Delvinë, Memaliaj, Patos, Këlcyrë.”
Në 24 orët e fundit janë shëruar 719 qytetarë, duke e çuar numrin e të shëruarve në 108,606 që nga fillimi i epidemisë.
Aktualisht në spitalet COVID në Tiranë dhe tre spitalet rajonale po trajtohen 129 pacientë, 11 në terapi intensive, nga të cilët 3 pacientë janë të intubuar.
Ministria e Shëndetësisë dhe Mbrojtjes Sociale kujton qytetarët që të mos ulin vigjilencën ndaj virusit, ndërsa në vend vijon vaksinimi.
Statistika (29 Prill 2021)
Raste të reja ditore 118
Të shëruar në 24 orë 719
Të shtruar në spitale 129
Humbje jete në 24 orë 3
Testime ditore 2079
Testime totale 632,901
Raste pozitive 130,977
Raste të shëruara 108,606
Raste Aktive 19,982
Humbje jete 2,389
Shpërndarja gjeografike e rasteve aktive sipas qarqeve:
Tiranë 16089
Fier 1465
Durrës 355
Shkodër 557
Korçë 409
Gjirokastër 313
Vlorë 255
Elbasan 141
Kukës 130
Dibër 103
Berat 99
Lezhë 66
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
