Gazeta Si – Skuadra anglo-gjermane e Formula 1 ka konfirmuar dyshen Hemilton-Rasëll edhe për dy sezonet e ardhshme. Shtatë herë kampioni i botës do të garojë deri në moshën 40-vjeçare.
Tani ka marrë formë zyrtare. Ljuis Hemilton dhe Xhorxh Rasëll do të mbeten pilotë të Mercedesit edhe në Botërorët 2024 dhe 2025. Lajmi është konfirmuar nga skuadra nga Braklei me një njoftim në kanalet e saj në rrjetet sociale. Shuhen kështu përfundimisht dyshimet e rinovimit të pilotit 7 herë kampion bote.
"Skuadra Mercedes-AMG PETRONAS F1 është e lumtur të njoftojë se Ljuis Hemilton dhe Xhorxh Rasëll do të jenë pilotët titullarë edhe për dy sezonet e ardhshme. Ata janë dyshja jonë që në fillim të sezonit 2022 dhe të dy kanë raporte shumë të mira me skuadrën.
The Team is delighted to announce that Lewis and George will continue to lead its driver line-up in 2024 and 2025. 💪 pic.twitter.com/MSdlhUrOX7
— Mercedes-AMG PETRONAS F1 Team (@MercedesAMGF1) August 31, 2023
Ljuis do të pilotojë në sezonet 2024 dhe 2025, duke çuar përpara një raport historik, që ka sjellë 6 tituj botërorë për pilotët dhe 8 tituj botërorë për konstruktorët. Që kur ka hyrë zyrtarisht te Mercedesi, ai regjistron 82 fitore dhe 78 ‘pole position’, duke qenë piloti me më shumë suksese në historinë e këtij sporti. Xhorxh ka zgjatur deri në fund të 2025-ës një lidhje që ka filluar në 2017-ën”, - shkruhet në komunikatën zyrtare të Mercedesit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.