.png)
Mungonte vetëm zyrtarizimi dhe më në fund ka ardhur: Christian Eriksen është futbollisti më i ri i Inter. Pas 7 sezonesh mesfushori danez është larguar nga Anglia duke lënë Tottenham për të vazhduar karrierën në Itali. Eriksen do të nënshkruaj një kontrate 4-vjeçare me zikaltërit ndërsa këta të fundit do t’i paguajnë Tottenham shifrën e 20 milion eurove.
Sa i takon kontratës, Eriksen do të përfitojë 6.5 mln euro në vit ndërsa pritet që të jetë një pikë referimi për zikaltërit pasi transferimi i tij ka qenë një dëshirë e teknikut Antonio Konte.
Me nënshkrimin e marrëveshjes Inter përveçse ka arritur që të finalizojë objektivin e madh të kësaj merkatoje, ka mposhtur konkurrencën e shumë klubeve të mëdha evropiane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
