.png)
Anulohet zyrtarisht “Çmimi i Madh” i Vietnamit. Gara në këtë cirkuit duhej të zhvillohej në muajin prill, sipas kalendarit të Formulës 1, por situata e pandemisë nga Covid-19 e shtyu për në nëntor. Megjithatë, edhe situata aktuale nuk i ka bindur organizatorët, të cilët vendosën për anulimin, duke e quajtur një vendim të dhimbshëm, por të nevojshëm.
Kriza shëndetësore e lidhur me pandeminë e Covid-19 që po kalon vendi aziatik ka bërë që drejtuesit ta anulojnë garën. Gara e Vietnamit ishte e treta në kalendar për sezonin aktual, por Koronavirusi e ka prishur rendin. Fillimisht, nga 22 gara zyrtare, Formula 1 kaloi në 13 dhe pastaj në 17 gara.
Organizatorët e garës së Vietnamit e kanë bërë të ditur vendimin e anulimit me një komunikatë zyrtare. “Duke parë paqartësitë e situatës së krijuar nga pandemia, kemi marrë vendimin e dhimbshëm, por të nevojshëm, të anulimit të garës së Vietnamit”, - shkruhet në komunikatë. Kalendari i 2020-ës mbetet kështu me 17 “Çmime të Mëdha”, 11 nga të cilët janë zhvilluar deri tani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
