.png)
Klubi i Barcelonës ka zyrtarizuar rinovimin e kontratës me sulmuesin Ansu Fati, i cili sapo është kthyer nga një dëmtim, që e mbajti jashtë fushave për një kohë të gjatë. Kontrata e tij e re skadon në vitin 2027.
Është një kontratë në "stilin Pedri", me një klauzolë prej 1 miliard eurosh në rast të prishjes së parakohshme të saj. Drejtuesit e klubit katalanas dhe vetë lojtari do të dalin në një konferencë shtypi për të komentuar rinovimin e kontratës.
Barcelona vazhdon të “blindojë” disa nga lojtarët e së ardhmes, duke u ofruar atyre kontrata afatgjata, me klauzola shumë të larta. Pak ditë më parë rinovoi Pedri, tani ishte radha e Ansu Fatit dhe pritet që e njëjta gjë të ndodhë edhe me elementë të tjerë. Ansu Fati konsiderohet si pasardhësi i Mesit dhe pritet që me rikthimin e tij Barcelona të ketë një ecuri më të mirë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
