.png)
Zinedine Zidane u emërua ambasador i ekipit Alpine F1, por francezi thotë se ai mbetet aktiv në botën e futbollit dhe shpreson të gjejë një punë të re si trajner.
Në një interviste për Le Figaro, ish-trajneri i Real Madridit nuk po përjashton një lëvizje para fundit të sezonit.
Edhe pse emri i tij lidhet edhe një herë me Paris Saint-Germain, trajneri mendon se mund të drejtojë një skuadër para përfundimit të sezonit.
“Është pjesë e marrëveshjes sonë (me Alpine)”, deklaroi fillimisht Zidane.
“Nëse nesër më duhet të angazhohem për një ekip, nuk do të më pengojë të vazhdoj të punoj”.
“Të kthehem në stërvitje është ende dëshira ime. Kam kohë sot, por nuk e di sa do të zgjasë. Kam kohë tani, ndoshta deri në qershor, por gjithashtu mund të angazhohem shumë shpejt”, ka vazhduar francezi.
Zidane ka mbetur pa skuadër që kur u largua nga Reali i Madridit në vitin 2021. Ishte periudha e tij e dytë në krye të gjigandëve spanjollë dhe ai e përfundoi atë me një titull lige.
Ai konsiderohej prej kohësh favorit për të marrë drejtimin e Les Blues nga Didier Deschamps pas Kampionatit Botëror, por ky shans u zhbë, pasi kontrata e Deschamps u rinovua. /Telegrafi
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
