.png)
Majlinda Kelmendi është një kampione e vërtetë edhe jashtë sportit. Kampionia kosovare në sportin e xhudos ka bërë një gjest të madh, ka nxjerrë në shitje medaljen e artë të fituar në Lojërat Olimpike të Rios në Brazil për të ndihmuar fëmijët e sëmurë.
Kelmendi, ambasadore e organizatës “Care for Kosovo Kids”, shkroi në rrjetet sociale për iniciativën e saj të fundit dhe ftoi edhe të tjerët të kontribuojnë sa të munden për fëmijët kosovarë. “Kam dëshirë që secili fëmijë të ketë shansin e vet në jetë. Për këtë kam dhuruar numrin tim, me të cilin kam fituar Medaljen e Artë në Lojërat Olimpike në Rio në Brazil. Shitja e atij numri ka sjellë të ardhura për ilaçet e fëmijëve kosovarë të prekur nga kanceri. Kjo më bënë krenare.
Ftoj që të më merrni shembull dhe të dhuroni për “Care for Kosova Kids”, që të gjithë të kenë shans në jetë. Shuma që dhuroni ju do të dyfishohet nga Banka Europiane për Zhvillim dhe Rindërtim. Fëmijët kosovarë do të shërohen me ndihmën tuaj”, - shkruan xhudistja Majlinda Kelmendi, e cila është një nga sportistet më të suksesshme në Kosovë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
