Në një intervistë të fundit për “20 minutos”, Xavi ka bërë të ditur publikisht ëndrrën e tij. "Ideja ime është që të stërvis Barcelonën. Nuk e kam fshehur kurrë, është objektivi im, ëndrra ime”, - ka thënë ish-mesfushori i famshëm i katalanasve dhe Spanjës.
“Nuk e di, nëse do të ndodhë apo jo, nëse do të kenë nevojë për mua apo jo, por për momentin jam i lumtur që drejtoj Al-Sadd dhe jam shumë krenar. Nëse do të vijë një ofertë, do ta vlerësoj dhe pastaj do të marr një vendim. Për momentin jam shumë i kënaqur këtu”, - ka shtuar Xavi Hernandez, i përmendur shpesh kohët e fundit për t’u ulur në stolin e Barcelonës.
Holandezi Koeman ka marrë përkohësisht besimin e trajnerit Laporta, është zgjidhja më e mirë e momentit, por ndryshimi në stol është i pashmangshëm. Largimi i Koeman në këtë moment do të kishte kosto shumë të lartë financiare për Barcelonën, që po kalon një periudhë krize.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.