.png)
“Dark Mode”, e thenë shqip sfondi i zi në dritaret e bisedave dhe në të gjithë aplikacionin e Whats App-it ka qenë një prej kërkesave më të përsëritura të përdoruesve të këtij rrjeti komunikimi.
Facebook, kompani që zotëron Whats App i shpërfilli për një kohë të gjatë këto kërkesa, por që prej kësaj të marte (3 mars) të gjithë përdoruesve të aplikacionit në dy sistemet më të mëdha të operimit telefonik, iOS dhe Android do t’u ofrohet ky opsion.
“Whats App Dark Mode” është këtu!”, shkroi shkurtimisht në Facebook, Mark Zuckerberg.
Për të përfituar opsionin përdoruesit duhet të presin përditësimin automatik të aplikacionit, ndërsa ata që janë më të padurueshëm nëse e duan sa më shpejt këtë opsion duhet ta çinstalojnë dhe më pas instalojnë sërish Whats App-in.
“Dark Mode” do të jetë opsionale, pra që mund të zgjidhet nga vetë përdoruese të jetë ose jo e aktivizuar. Për ta bërë këtë hyhet tek sektori “Settings” dhe më pas tek “Themes”, nga ku zgjidhet opsioni “Dark”. Menjëherë pas klikimit të këtij opsioni i gjithë sfondi i aplikacionit errësohet, ndërsa fonti i shkronjave mbetet i bardhë, por që gjithsesi edhe ky është opsional, pasi ngjyrat e shkrimit sërish mund të zgjidhen nga përdoruesit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
