.png)
Modaliteti i aplikimit të sistemit VAR mbetet temë e nxehtë (sidomos për faullet me dorë), ku ka nga ata që mendojnë të ndryshojnë rregullin e pozicionit jashtë loje, duke u kthyer pas në kohë për të shmangur situatat në limit. Arsene Wenger, tashmë drejtues në FIFA, synon të rivendosë konceptin e dritës, domethënë një distancë minimale midis mbrojtësit e sulmuesit, për të përcaktuar një situatë pozicioni jashtë loje.
Propozimi ish-trajnerit, aktualisht Shef i Zhvillimit Global të Futbollit në FIFA (organi përgjegjës për mbikëqyrjen e rregullave të lojës së futbollit), ka si synim shmangien e të gjithë situatave në limit, kur një pozicion jashtë loje quhet ose jo për punë milimetrash, ndonjëherë gjysmë këmbe.
Ideja e Wenger, siç raportohet nga Times, do të diskutohet në mbledhjen e Këshillit Ndërkombëtar të IFAB në 29 shkurt dhe në fakt ka marrë aprovimin e presidentit të Uefa Ceferin, i cili jo më larg se dy muaj më parë kishte deklaruar: “Nevojitet një tolerancë 10-20 centimetra në pozicionin jashtë loje”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
