.png)
Nga Gazeta 'Si' - Presidenti serb, Aleksandër Vuçiç deklaroi se një nga temat e bisedimeve në Paris do të jetë dialogu ndërmjet Beogradit dhe Prishtinës, por tha se nuk beson se do të ketë përparim për aq kohë sa në krye të qeverisë së Kosovës do të jetë Albin Kurti.
“Dhe nuk ka asnjë filozofi të madhe, mendoj se tani është e qartë për të gjithë ata, në Perëndim, se Kurti nuk dëshiron fare të formojë një komunitet të komunave serbe, se nuk dëshiron përparim në dialog, dhe se çdo gjë tjetër ishte marifet ballkanik që mund të funksionojë një herë ose dy herë, por sigurisht jo në afatgjatë”, tha Vuçiç në përgjigje të pyetjes së një gazetari nëse dialogu ndërmjet Beogradit dhe Prishtinës do të diskutohet në Paris, shkruan Tanjug.
Ai shtoi se është e rëndësishme që Beogradi të ruajë paqen dhe jetën e serbëve në Kosovë.
“Nuk besoj se do të ketë ndonjë përparim serioz, sidomos deri në formimin e Asociacionit derisa Kurti është në pushtet në Prishtinë. Le t’i vendosim gjërat plotësisht qartë dhe pastër ashtu siç janë”, theksoi presidenti i Serbisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
