.png)
Gazeta Si - Një 27-vjeçar shqiptar është vrarë në Britaninë e Madhe jashtë një stacioni metroje në Londrën Lindore mbrëmjen e të dielës që shkoi.
Mediat britanike raportojnë se viktima është Lumturi Zeqja dhe se ngjarja ka ndodhur pas një sherri.
Policia mori një njoftim dhe kur shkoi në vendin e ngjarjes gjeti dy persona të dëmtuar, mes tyre edhe 27-vjeçari, i cili u shpall i vdekur në vendin e ngjarjes si pasojë e plagëve të marra.
I plagosuri tjetër është dërguar menjëherë në spital ku po merr ndihmën e nevojshme mjekësore. Identiteti i tij nuk është bërë i ditur.
“Hetimi është në vijim dhe policia ndjek disa pista. Përparësia jonë është që të gjejmë personin përgjegjës dhe të sjellim drejtësi për viktimën dhe familjen e tij”, tha detektivi Adam Callaghan.
Familjarët e Zeqjes janë informuar për këtë tragjedi dhe trupit të të ndjerit pritet që t’i bëhet një autopsi.
Deri tani nuk është asnjë i arrestuar për ngjarjen dhe nuk dihen shkaqet e ngjarjes së rëndë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
