.png)
Gazeta Si - Të paktën nëntë të vdekur, përfshirë një vajzë 5-vjeçare dhe 23 të plagosur është numri ende i përkohshëm i operacionit të forcave të armatosura izraelite kundër Xhihadit Islamik në Rripin e Gazës.
Operacioni "Breaking Dawn", një përkufizim që do të thotë "ardhja e një dite të re" u shkaktua me vrasjen e komandantit ushtarak të Xhihadit Islamik në Rripin e Gazës, Tayseer al-Jabari, gjatë një sulmi ajror.
“Iron Dome”, sistemi i mbrojtjes raketore, është vendosur për të mbuluar sigurinë deri në 80 kilometra brenda Izraelit, duke përfshirë Tel Aviv dhe Modin.
Al-Jabari ishte pasardhësi i Baha Abu al-Ata, komandant i Brigadave al-Quds në Rripin verior, krahu ushtarak i Xhihadit Islamik, i vrarë në nëntor 2019 në një sulm ajror izraelit.
Ndër objektivat e goditur është një apartament banimi i lartë në lagjen Al-Rimal. Të plagosur janë regjistruar edhe në fshatin Al-Fakhari, në jug, në Beit Lahia dhe Khan Yunis.
Pas arrestimit të një zyrtari të lartë palestinez të Xhihadit Islamik, Bassem Saadi, në Jenin, Bregu Perëndimor, natën midis 1 dhe 2 gushtit, forcat e mbrojtjes izraelite janë në gatishmëri të lartë, nga frika e sulmeve të mundshme hakmarrëse dhe kanë ndaluar hyrjen në rrugën pranë Rripit të Gazës.
Ministri i Mbrojtjes, Benny Gantz autorizoi thirrjen e 25,000 ushtarëve rezervistë. Klasifikimi i tyre do të zgjasë disa ditë, gjatë të cilave do të jetë e mundur për Izraelin të verifikojë nëse kriza me Gazën ende mund të frenohet, apo nëse është e destinuar të përhapet.
“Armiku izraelit, i cili nisi përshkallëzimin kundër Gazës dhe kreu një krim të ri, duhet të paguajë çmimin dhe të marrë përgjegjësinë e plotë”.
Kështu u shpreh Fawzi Barhoum, zëdhënës i Hamasit. Grupi militant palestinez i Xhihadit Islamik është më i vogël se Hamasi, por kryesisht ndan ideologjinë e tij.
Të dy grupet janë kundër ekzistencës së Izraelit dhe kanë kryer dhjetëra sulme vdekjeprurëse gjatë viteve, duke përfshirë lëshimin e raketave në Izraelin jugor.
Është e paqartë se sa kontroll ka Hamasi mbi Xhihadin Islamik dhe Izraeli e konsideron Hamasin përgjegjës për të gjitha sulmet nga Gaza.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
