.png)
Nga Gazeta Si- Prokuroria e Tiranës ka përfunduar hetimet për palestinezin Fadi Alwan duke e çuar në gjyq për vrasjen e gocës së tij, 24-vjeçares Rayyan Alwan.
Ai do të gjykohet në mungesë për akuzën e “Vrasjes në rrethana cilësuese” me lidhje familjare.
Babë e bijë erdhën nga Gjermani në Tiranë në muajin shkurt 2025. Vrasja ndodhi në banesën që ata morën me qira dhe u zbulua pak ditë më vonë nga pronarja e apartamentit, pasi burri ishte arratisur drejt Libanit.
Ndaj tij gjykata penale e Tiranës caktoi në mungesë arrest me burg, nën akuzën për vrasje për shkak të rrethanave familjare.
Motivet e këtij krimi të rëndë mbeten ende mister. E reja nënë e 3 fëmijëve ishte divorcuar, dhe të vegjlit jetonin në Liban me babanë e tyre.
Fadi Alwan është arrestuar në 23 shkurt në Liban por Libani ka refuzuar ekstradimin e tij drejt vendit tonë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje