.png)
Gazeta Si - Gjykata e Volosit në Greqi ka liruar nga qelia 50-vjeçarin shqiptar Fatmir Talellari, i cili vrau kunatin e tij Erjon Pelivani, pasi ky i fundit kishte abuzuar seksualisht për 9 vite me vajzën e tij të mitur.
Gjykata vendosi “arrest shtëpie” për 50-vjeçarin. Tre vajzat e tij që ishin të pranishme në seancë, shpërthyen në lot kur trupa gjykuese dha vendimin.
Shqiptari mbrohet nga avokati i njohur grek Alexis Kougias. “U shkrep arma, por 50-vjeçari nuk është kriminel”, tha avokati i tij pas seancës.
Autori Fatmir Talellari u dorëzua vetë në polici ditën e ngjarjes, duke thënë se kishte vrarë kunatin pasi kishte mësuar nga vajza e tij që ishte abuzuar seksualisht nga 33-vjeçari Erjon Pelivani për 9 vite me radhë.
E bija tregoi gjithashtu se abuzuesi i saj i kishte bërë shantazh duke i marrë vazhdimisht para me qëllim që mos t’i publikonte foto dhe video intime.
Erjon Pelivani ishte kunati nga gruaja e dytë e Fatmir Talellarit, me të cilën ka një fëmijë së fundmi, ndërsa 3 vajzat e tjera i ka nga martesa e parë me bashkëshorten e ndjerë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
