Nga Gazeta ‘SI’ – Policia e Durrësit ka njoftuar të tjera detaje lidhur me krimin e rëndë në Shënavlash të Durrësit, ku një 19-vjeçare pranoi vrasjen e të atit. Sipas informacioneve vrasjen e ka bërë djali i madh i të ndjerit Pëllumb Meta dhe Hygerta, 19-vjeçarja, bashkë me vëllanë tjetër e kanë ndihmuar atë.
Policia njofton se ka arrestuar edhe dy djemtë e familjes, pas arrestimit të vajzës më herët. Ndërkohë në hetim të lirë është edhe mamaja e tyre. Policia ka gjetur armën e zjarrit dhe veshjet e përdorura për krimin.
Sipas Policisë nuk bëhet fjalë për një konflikt të tensionuar por planifikim të vrasjes.
“Nga të gjitha veprimet hetimore që janë kryer rezulton se djali i familjes ka realizuar qitjen. Nuk mund të japë të gjitha detajet edhe për sekretin hetimor dhe ndjeshmërisë që ka pasur ngjarja. Edhe 19-vjeçarja është përfshirë. Arsyeja është konfliktet që kanë pasur pjesëtarët e familjes. E ka pranuar ekzekutori akuzën”, sqaroi pak më parë shefi i policisë së Durrësit.
Hygerta ka dëshmuar se vrasja ndodhi pasi i ati nuk e lejonte të arsimohej dhe kishte në plan ta fejonte pa dëshirë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
