Familjarët e Kostandinos Kaçifas pritet të mbërrijnë në Tiranë për të marrë trupin e djalit të tyre në morgun e spitalit.
Duket se tanimë kanë përfunduar të gjitha procedurat mjeko-ligjore për të dhe familjarët do ta përcjellin për në banesën e fundit.
Ndërkohë, mediat në Greqi shkruajnë për një përgjigje të kthyer nga ana e Presidentit Meta ndaj Vangjel Dules për këtë çështje.
Kreu i shtetit ka theksuar dimensionin humanitar të çështjes dhe nevojën për t’i dorëzuar trupin e Kaçifas familjes, për të bërë varrimin në Bularat. Mediat greke shkruajnë se ky ishte një lajmiI papritur, pasi deri pasdite nuk kishte asnjë informacion.
35-vjeçari u vra nga forcat RENEA teksa qëlloi me armë ndaj forcave të policisë. Vrasja prodhoi një përplasje të fortë, sidomos nga pala greke. Sipas portaleve greke, familjarët do e varrosin Kacifan në Bularat, atje edhe ku u vra.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
