.png)
Tre të dyshuarit për vrasjen e biznesmenit Rakip Rroli në zonën e njohur si Sanxhak të Laçit janë lënë në burg. Në seancën e zhvilluar këtë të mërkurë me dyer të mbyllura, Gjykata e Kurbinit ka vlerësuar të ligjshëm arrestimin e tre personave dhe në fund ka vendosur për masën shtrënguese “arrest në burg”.lej Lika
Personi që ka pranuar autorësinë e krimit, është Llej Lika, i cili ka deklaruar se babai i tij dhe Klajdi Gjegjaj nuk kanë lidhje me ngjarjen.
Dyshohet se i riu e ka vrarë Rrolin për hakmarrje, pasi para pak kohësh është konfiktuar me djemtë e tij, të cilët kanë ushtruar dhunë. Të tre këta persona akuzohen se kanë ekzekutuar Rakip Rrolin në një atentat në mes të rrugës.
Viktima 55 vjeç, ka qenë duke udhëtuar me makinë dhe pak minuta pasi ka dalë nga banesa i është bërë pritë në zonën e njohur si Sanxhak.
Makina e Rrolit është përplasur me dy mjete të tjera, ndërsa autorët e kanë qëlluar disa herë me armë, duke e lënë të vdekur në vend.
Roli ishte një person me precedentë të mëparshëm penal, pasi kishte vuajtur një dënim vitet e fundit për rrahje ndaj një të riu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
