.png)
Vdekja e liderit të Shtetit Islamik duket se ka shkarkuar një sërë përplasjesh në Uashington, pasi demokratët kanë akuzuar presidentin Donald Trump se e mbajti operacionin të fshehtë nga Kongresi Amerikan.
Kryetarja e Partisë Demokratike, Nancy Pelosi i bëri thirrje Shtëpisë së Bardhë të informojë ligjvënësit amerikanë për operacionin ku u vra lideri i ISIS Abu Bakr al-Bagdadi, duke deklaruar se Presidenti Trump kishte njoftuar rusët për operacionin ushtarak përpara Kongresit Amerikan.
Deklarata e Pelosit erdhi pasi Trump u tha gazetarëve në një konferencë të gjatë shtypi se ai nuk e informoi Kongresin për operacionin e nivelit të lartë sepse "dëshironte të sigurohej që të mbetej e fshehtë".
Presidentët e SHBA-së zakonisht ndjekin protokollin e kontakteve me drejtuesit e kongresit, pavarësisht nga partia e tyre politike, kur kryhet një operacion ushtarak i nivelit të lartë.
"Ne duhet të informoheshim për këtë operacion, për të cilën rusët, por jo udhëheqja e lartë e Kongresit u njoftuan paraprakisht" tha Pelosi. "Ushtria dhe aleatët tanë meritojnë udhëheqje të fortë, të zgjuar dhe strategjike."
Trump tha të dielën se ai kishte kontaktuar me dy republikanët e Senatit, Kryetarin e Komitetit të Inteligjencës Richard Burr dhe Kryetarin e Gjyqësorit Lindsey O. Graham përpara deklaratës për shtyp.
I pyetur nëse e kishte njoftuar Pelosin, Trump u përgjigj: "Jo. Doja të sigurohesha që kjo do të mbetej e fshehtë. Nuk dua të humbas ushtarët që ndodhen në betejë. "
Në fjalën e tij, Trump tha se ai "do të njoftonte udhëheqësit e Kongresit por se e kishin këshilluar mos ta bënte.
"Dhe unë vendosa mos t'i njoftojmë ata derisa ushtarët tanë të jenë jashtë rrezikut”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
