.png)
Presidentja e Komisionit Europian Ursula von der Leyen u shpreh sot optimiste se vaksina e koronavirusit do tëtë mund të dilte në treg “përpara vjeshtës".
Ky afat kohor është shumë më i shpejtë nga sa parashikohet nga autoritetet e shëndetit publik, të cilët thonë se mund të duhet një vit ose 18 muaj që vaksina të jetë e disponueshme për publikun e gjerë.
Në një video, Von der Leyen iu referua bisedimeve me “CureVac”, një kompani gjermane që po punon për zbulimin e vaksinës së COVID-19. BE i ka ofruar kompanisë 80 milion euro mbështetje financiare.
"Shpresoj se me këtë mbështetje, ne mund të kemi një vaksinë në treg, ndoshta para vjeshtës," tha ajo.
Thorsten Schüller, një zëdhënës i CureVac, tha provat klinike dhe nxjerrja e vaksinës në treg zgjat normalisht "vite", por nuk pranoi të përgjigjet në parashikimet e von der Leyen.
Duke pasur parasysh urgjencën për zbulimin e vaksinës, ai shtoi, "Supozojmë se procesi do të shkurtohet. Kjo varet nga autoritetet ".
Në një intervistë me mediat gjermane investitori më i madh i “CureVac”, Dietmar Hopp tha se koha varet nga rregullatori kombëtar gjerman. Sidoqoftë, shtoi ai, qëllimi është që vaksina të jetë e disponueshme në vjeshtë në rast se virusi kthehet pas verës.
“CureVac” është një kompani një gjermane-amerikane që ka shkaktuar jo pak mosmarrëveshje, pasi presidenti Donald Trump se po përpiqet të joshë kompaninë që vaksina të prodhohet ekskluzivisht në ShBA.
Po ashtu Agjensia Europiane e Medikamenteve është e gatshme të investojë që vaksina të dalë "brenda afateve më të shkurtra të mundshme.”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
