34 të arrestuarit e operacionit “Vol-vo 4”, kanë ankimuar këtë të hënë vendimin e Gjykatës së Shkallës së Parë për Krimet e Rënda, duke kërkuar lirimin nga qelia.
Me anë të avokatëve të tyre mbrojtës, 34 të akuzuarit kërkojnë ndryshimin e masës së sigurisë. Gjykata më 24 tetor vendosi të lërë në burg pa afat 24 persona, 8 prej tyre në arrest shtëpie dhe 2 në detyrim paraqitjeje.
Mes personave të arrestuar janë edhe ish-deputeti Arben Ndoka dhe ish-drejtori i Burgjeve, Arben Çuko.
Gjatë operacionit që u ndërmor në 12 qytete policia deklaroi se kishte arrestuar pjesëtarë të 4 grupeve kriminale. Mes të arrestuarve janë dhe anëtarë të grupit Avdylaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.