“Jam e ve, kam për të rritur katër fëmijë”. Kështu e nisi shpjegimin e saj në komisariatin numër një E. A, e cila u shoqërua në një qendër tregtare, pasi hoqi nga dy palë pantallona kutinë e alarmit.
Burime policore të gazetës Si tregojnë se hajdutja e pazakontë u zbulua nga shitësja që dëgjoi një zhurmë të çuditshme të ngjashme me kërcitjen, zhurmë që krijohej në dhomën e provës. Më, pas shitësja pohoi në polici se gruaja që doli nga dhoma e zhveshjes ishte e moshës 42 vjeç.
Mënyra se si hajdutja u justifikua më vonë i preku dhe kasieren dhe shitësen, por ishte shumë vonë duke qenë se ndërkohë policia ishe njoftuar. “I vodha pantallonat për t’i shitur, kam fëmijë të vegjël dhe është e vështirë meqenëse nuk arrij të gjej punë”, kërkoi mëshirë 42-vjeçarja.
Vlera e dy veshjeve në total nga vlerësimi rezultoi të ishte 1700 lekë, pas aplikimit të skontos në dyqanin e vjedhur. Burimet e gazetës Si shpjegojnë se pantallonat ishin fshehur në çantën e supit të E. A. Kur oficerët e pyetën se me çfarë metode ia kishte dalë mbanë të largonte kutinë e alarmit, gruaja tha: përdora një palë pinca të vogla. Në përfundim, policia deklaron për gazetën Si se do referojë hajduten e ve për të hetuar në gjendje të lirë, ndërsa pantallonat e vjedhura gjersa të mbyllet dosja me urdhër të policisë do të mbahen nën ruajtje nga shitësja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.