Gazeta Si – Lëvizje të tjera në stolin e Vllaznisë. Klubi shkodran ka zgjedhur Goce Sedloskin si trajner të ri. 48-vjeçari nga Maqedonia e Veriut shihet si alternativa më e mirë për skuadrën shkodrane, pas largimit të Mirel Josës, ndërsa Auron Miloti vetëm një ndeshje qëndroi në stolin kluqeblu.
‘Klubi Futbollit Vllaznia njofton se sapo ka arritur marrëveshjen me trajnerin Goce Sedloski deri në përfundim të sezonit të ardhshëm 2023-2024. Seldoski ka një karrierë të pasur si lojtar, duke luajtur për klube me emër në Europe si Hajduk Split, Dinamo Zagreb, si dhe në Premier Ligen angleze.
Si trajner ka fituar trofe, ka pasur suksese edhe në aventurën europiane me Shkupin, duke luajtur në play-off të kompeticioneve europiane. Në ditët në vazhdim do t’ju informojmë detaje të mëtejshme në lidhje me organizimin e klubit në funksion të arritjes se objektivave sezonalë”, - shkruhet në njoftimin zyrtar të klubit shkodran.
Sedloski ka drejtuar Shkupin dhe Vardarin në Maqedoninë e Veriut, Dinamon e Zagrebit B në Kroaci, Shiroki Brijeg në Bosnjë dhe Rigën në Letoni. Tani provon edhe kampionatin shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.