.png)
Viti i ardhshëm shkollor për sistemin parauniversitar, do të nisë në datë 12 shtator 2022.
Lajmi është konfirmuar nga Ministria e Arsimit, që mes të tjerave ka bërë me dije se do të ketë edhe disa ndryshime në strukturë.
Fëmijëve do t'i shtohen edhe 1 javë pushim, që do të përkojë me fundin e semestrit të dytë. Kjo periudhë, sipas ministres Evis Kushi, do të shërbejë që fëmijët të marrin energjitë e duhura për t'u rikthyer më me energji për vlerësimet e nxënësve dhe përgatitjet në vijim.
“Për nxënësit dhe mësuesit e arsimit 9-vjeçar lajmi i mirë është se vitin e ardhshëm do të kenë edhe një javë më shumë pushim pas periudhës së dytë mësimore, nga data 3-9 prill 2023. Në këto ditë nxënësit do të pushojnë por edhe luajnë dhe argëtohen për të marrë energji të reja për periudhën e fundit, ndërsa mësuesit do të kenë më shumë kohë për vlerësimet e nxënësve dhe përgatitjet në vijim. Suksese të gjithëve", shkruan Kushi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
