.png)
Vijon fluksi i personave, të cilët po hyjnë në Shqipëri në këto ditë të nxehta vere, nga deti, ajri dhe nga toka. Krahas turistëve të huaj, po vijon edhe kthimi i një numri të madh emigrantësh. Porti i Durrësit ka edhe fluksin më të madh. Vetëm nga Bari dhe Ankona pritet të mbërrijnë në këtë port 7 tragete udhëtarësh, me rreth 11 mijë persona dhe qindra makina në bord. Si gjithmonë në raste fluksi, edhe këtë herë janë paraqitur probleme me zbatimin e orareve të nisjes së trageteve nga Italia.
Gjithashtu, në linjë telefonike, shumë pasagjerë shprehen të pakënaqur me kushtet në tragetet, me të cilët udhëtojnë. Sipas tyre, mungon ventilimi apo ajri i kondicionuar, aq shumë i domosdoshëm në rastet, kur tragetet janë të tejmbushur me udhëtarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
