.png)
Kati i katërt i në vile, i shndërruar në një “shtëpi bari” për kultivimin e kanabisit, është zbuluar nga policia në Durrës, duke arrestuar babë e bir.
Në kuadër të operacionit të koduar “Meshgili”, janë vënë në pranga edhe 3 punonjës të OSHEE-së, D.A., S.P. dhe A.K., me akuzën për moskallëzim krimi dhe shpërdorim detyre.
Gjatë këtij operacioni, në Shënavlash, u evidentua një banesë e përshtatur për kultivimin e bimëve narkotike, në të cilën kishte lidhje të paligjshme të energjisë elektrike.
Policia thotë e u arrestuan në flagrancë shtetasi Sh.K., dhe djali i tij, shtetasi I.K., banues në fshatin Shënavlash.
Në katin e katërt të banesës së tyre, u gjetën dhe u sekuestruan 15 kg e 100 gramë lëndë e dyshuar kanabis sativa dhe 254 bimë narkotike.
Vetëm tre ditë më parë, në fshatin Jeran në Malësinë e Madhe, policia zbuloi një tjetër “shtëpi” bari, e cila funksiononte për kultivimin e lëndëve narkotike.
I zoti i shtëpisë, i shpallur në kërkim nga policia, e kishte përshtatur bodrumin e banesës në një laborator droge, ku u sekuestruan 139 kg kanabis, si dhe lëndë dhe bazë materiale për kultivimin e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
