.png)
Me sa duket, Teuta kishte nevojë për kontributin e çmuar të një Plaku (Sebinos) për të gjetur veten në Europë. Sulmuesi veteran, i hedhur në fushë nga minuta e parë nga trajneri Edi Martini, ishte protagonist absolut në fitoren e sotme, 0-3. Ai e ka shpëtuar skuadrën durrsake nga turpi i një eliminimi të mundshëm nga Inter Eskaldes, një kundërshtar modest nga Andorra, që në “Niko Dovana” një javë më parë kishte fituar 0-2.
Plaku kaloi Teutën në avantazh në pjesën e parë, duke i hapur rrugën kualifikimit. Ai devijoi drejt rrjetës një top të krosuar në zonë nga e majta prej Kotobellit. Goli i dytë i sulmuesit kryeqytetas ishte fenomenal. Ai goditi menjëherë nga distanca një top të kthyer nga mbrojtja, duke i dhënë një trajektore të pakapshme për portierin e Inter Eskaldes.
Për kualifikimin u deshën 30 minutat shtesë dhe në fundin e pjesës së parë shtesë Sherif Kallaku realizoi me panallti golin e tretë për Teutën. Këta ishin golat e parë të Teutës në Europë në 4 ndeshje të luajtura deri tani. Durrsakët vazhdojnë kështu aventurën europiane, duke kaluar në turin e tretë të Ligës së Konferencës, ku do të ndeshen me irlandezët e Shamrok Rovers.
Të enjten zbresin në fushë Partizani, Vllaznia dhe Laçi po në Ligën e Konferencës. Vetëm kurbinasit kanë marrë rezultat pozitiv në ndeshjen e parë, ku mundën 1-0 rumunët e Krajovës. Partizani është mundur 3-0 nga Bazeli, kurse Vllaznia 1-0 nga Ael Limasol.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje