.png)
Një video që është shpërndarë mijëra herë në rrjetet sociale tregon sesa e lehtë është që mikrobet dhe viruset të përhapen në restorante kur vetëm një person është i infektuar.
Eksperimenti i realizuar nga Ministria japoneze e Shëndetësisë simulon atmosferën e një restoranti të ngjeshur.
Videoja tregon 10 persona që hyjnë në restorant, dhe një person të veçuar i cili është i "infektuar". Ata takohen me njëri tjetrin dhe ulen të darkojnë, siç do bënin zakonisht, duke mos marrë parasysh se mund të infektoheshin.
Në fund të videos, restoranti fik dritat duke ndriçuar me ngjyre të ndezur vetëm zonat ku është përhapur "infeksioni".
Substanca, e përdorur për të sinjalizuar mikrobet, mund të shihet në ushqim, enë, tavolinë, te duart dhe madje edhe në fytyrat e disa prej pjesëmarrësve.
Ashtu si gripi, virusi përhapet përmes spërklave kur një person kollitet ose teshtitet. Piklat bien në sipërfaqe. Njerëzit infektohen kur prekin duart e tyre të infektuara në gojën, hundën ose sytë.
Mjeket shprehen se gjëja e vetme më e rëndësishme që mund të bëni për të mbrojtur veten është t’i mbani duart të pastra duke i larë ato shpesh me sapun dhe ujë ose me me deinfektues duarsh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
