.png)
Monika Kryemadhi, përmes pamjeve filmike që nxori për mediat, ka deklaruar se në një periudhë kohore prej 180 ditësh, (aq sa kishin xhiruar) Bashkia Tirane ka paguar tarifën prej 29 euro/ton mbetje urbane për incenerimin e mbetjeve për një shërbim ende të pakryer. Më pak fjalë, Monika Kryemadhi sqaroi pas pamjeve filmike (të marra me dron) se aktualisht çmimi i paguar 29 euro/ton nuk është çmimi real i shërbimit që kryhet, pasi kjo tarifë përfshin edhe incenerimin e mbetjeve proces i cili nuk është kryer deri me sot.
Në video shihen kompanitë private të pastrimit që nuk bëjnë diferencimin e mbetjeve, por i kapsulojne apo groposin të gjitha bashke pa diferencim në kodrën e Sharrës.
Kryemadhi tha se pavarësisht mos kryerjes të procesit të trajtimit të mbetjeve, (që u pa edhe përmes pamjeve filmike) Bashkia Tiranë ka vijuar të kryejë pagesat e plota të tarifës për këtë shërbim.
Kryemadhi tha se provohet e kundërta e deklaratave të kryeministrit Rama në Komisionin Hetimor për Inceneratorët, se për inceneratorin e Tiranës bëhet ndarja në burim, riciklimi dhe djegia.
Por nga pamjet që Partia e Lirisë ka siguruar në inceneratorin e Tiranës bëhet vetëm kapsulimi. E njëjta situatë u pa edhe në landfillinin e Bushatit në Shkodër.
“Edi Rama dhe Erion Veliaj duhet të dalin të dy para drejtësisë për aferën e inceneratorëve. Deklaratat e tyre në Komisionin Hetimor janë gënjeshtra dhe për veprimet dhe deklarimet e tyre duhet të dalin bashkë...”, tha Kryemadhi. Deputetja e PL-së i kërkoi SPAK që të bllokojë pagesat nga bashkia e Tiranës.
Në të kundërt ajo paralajmëroi: “Atëherë nuk do më mbetet gjë tjetër veçse të protestoj vetë para SPAK... E vetmja gjë që mund të bëjë SPAK (nëse nuk është vetë pjesë) të bllokojë pagesat nga bashkia e Tiranës
Kompania koncesionare nuk ka zbatuar kontratën për gati gjashtë vjet nuk bën diferencim riciklimi apo djegie por vetëm groposje që është niveli ‘zh’ i menaxhimit të mbetjeve”, tha ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
