.png)
Jurgen Klop ka ronivuar kontratën me Liverpulin. Lajmi bëhet i ditur nga vetë klubi anglez në kanalet e tij zyrtare në rrjetet sociale. Në Tuiter shfaqet një video me trajnerin gjerman, i cili bën të ditur gjithçka për vazhdimin e bashkëpunimit me klubin nga “Anfield”.
Klop ka rinovuar deri më 30 qershor 2024, një lloj kontrate e “përjetshme” për gjermanin, i cili e drejton Liverpulin që prej vitit 2015. Pasi u shpall kampion i Europës sezonin e kaluar, Liverpuli po ecën i sigurt drejt titullit kampion në Premier League, kështu që zgjatja e bashkëpunimit me trajnerin Klop nuk do të mungonte.
Nuk janë bërë të ditur ende termat financiarë të kontratës së re, por sigurisht që ka shtesë page për ish-trajnerin e Borusia Dortmundit. Liverpuli i tij është një nga skuadrat më të mira në Europë për momentin. Anglezët janë në garë në të dy frontet, në kampionat dhe në Champions League.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
