.png)
Gazeta Si - Dy tifozë të rinj holandezë, janë arrestuar këtë të enjte në flagrancë, pasi akuzohen se kanë rrahur një shtetas shqiptar një ditë para finales së Conference League, Roma-Fejnord.
Ngjarja ndodhi në zonën e njohur si '9-katëshet' në Tiranë, ku u përfshinë në sherr me 3 shqiptarë në rrugë.
LEXO EDHE:
- Foto e video/ Incidente para finales, sherr mes tifozësh, rrihet një 45-vjeçar, shoqërohen në komisariat holandezë e italianë
- Ultrasit e Romës sulmojnë policët, akte huliganësh në Tiranë
Policia thotë e janë arrestuar D.B., 23 vjeç dhe D.H., 21 vjeç, të dy banues në Holandë.
24.05.2022, Roma🇮🇹 vs Feyenoord🇳🇱, one Albanian injured after fight https://t.co/Fjy3xrlEmQ#ASRoma #feyenoordrotterdam #hooligans pic.twitter.com/AAWlehmLo1
— Hooligans.cz Official (@hooliganscz1999) May 24, 2022
Ata akuzohen për veprën penale “plagosja e rëndë me dashje”.
Dy holandezët, në bashkëpunim me disa të tjerë, ende të paidentifikuiar, kanë goditur me sende të forta për motive të dobëta shtetasin A.G., i cili ndodhet në spital në kujdesin e mjekëve.
Para finales së Conference League në Tiranë, tifozeritë e Romës dhe Fejnordit u përfshin në akte dhune ndaj njëri-tjetrit dhe kundër policisë.
Si pasojë, pati edhe efektivë të lënduar, ndërsa dhjetëra tifozë romanistë u dëbuan nga Shqipëria.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
