.png)
Gazeta Si - Orët e vona të mbrëmjes kanë qenë shumë problematike në kryeqytet. Policia e ka shumë të vështirë të mbajë në kontroll ultrasit e Romës dhe Fejnordit, dy skuadrave që ndeshen nesër në finalen e Ligës së Konferencës në “Air Albania”.
Pas incidentit të 45-vjeçarit që u rrah nga tifozët holandezë, dhuna ka plasur në shumë zona të Tiranës. Ekziston rreziku i përplasjes nga momenti në moment mes dy tifozërive.
24.05.2022, From Tirana, Roma🇮🇹 vs acab https://t.co/Fjy3xrlEmQ#ASRoma #hooligans #feyenoordrotterdam pic.twitter.com/HncE5taKKL
— Hooligans.cz Official (@hooliganscz1999) May 24, 2022
Tifozët italianë ndërkohë janë përplasur edhe me policinë. Një grup ultrasish të Romës kanë sulmuar Kryeministrinë, teksa shoqëroheshin në bulevardin kryesor nga policia.
Ata shkatërruan disa tabela dhe patën një reagim shumë agresiv ndaj policëve. Madje, ata frikësuan edhe kalimtarët, pasi ishin të pajisur me shkopinj.
24.05.2022, From Tirana, Roma🇮🇹 vs acab https://t.co/Fjy3xrDfeo#ASRoma #hooligans #feyenoordrotterdam pic.twitter.com/jmTkg2cvlG
— Hooligans.cz Official (@hooliganscz1999) May 24, 2022
Policët po përpiqeshin t’i mbanin nën kontroll, duke mos lejuar afrimin e tyre me ultrasit e Fejnordit.
Dy policë mësohet se janë plagosur dhe kanë shkuar në spital për të marrë ndihmën mjekësore. Ka ndodhur ajo që mund të parashikohej në fakt, sepse bëhet fjalë për tifozë ultras dhe jo turistë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
