.png)
Në më pak se 24 orë nga finalja e Conference League që pritet të mbahet në ‘Air Albania” kanë filluar incidentet e para kryesisht nga tifozët holandezë. Mbrëmjen e të martës rreth 200 tifozë holandezë të pajisur me gurë dhe shkopinj janë përplasur me policinë.
Për pasojë mbeti i dëmtuar një efektiv në radhët e uniformave blu.
Konflikti ka nisur tek rruga “Mustafa Matohiti” për shkak se policia ka ndaluar marshimin e tyre drejt stadiumit ku aktualisht ndodhen tifozët e Romës.
Një grup tifozësh ndërkohë kanë vijuar me pas përplasjen me policinë te ura e Drejtorisë së Policisë Tiranë, ku mësohet se është plagosur edhe një tjetër punonjës policie.
Tjetër përplasje u raportua vonë afër hotel Hilton te pallati me shigjeta
Më herët, një shtetas shqiptar u rrah brutalisht nga tifozët e Fejnordit pas një incidenti në një kafe në zonën e “9 katësheve”
Sipas njoftimit të policisë, të martën te kafe "Europa" disa shtetas holandez (tifozë), në gjendje të dehur janë konfliktuar me shtetasin shqiptar A. G., 45 vjeç.
Ky i fundit është dëmtuar fizikisht por jashtë rrezikut për jetën.
Policia njoftoi se ka shoqëruar disa shtetas holandezë, por edhe italianë.
Grupi hetimor po punon sqarimin e rrethanave të ngjarjes.
Në mbrëmje mbërritën në spitalin e Traumë 10 policë të plagosur nga incidentet që ndodhën në rrugë të ndryshme të Tiranës me tifozët holandezë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
