Aksident i frikshëm për Alonson në këtë edicion të Rally Dakar. Spanjolli, i cili garon me skuderinë Toyota, humbi ekuilibrin pas një dune me rërë dhe përplasi makinën, në etapën e 10, pa mbushur ende një kilometër nga starti i garës.
Pasi u përmbys duke bërë disa rrokullisje, makina në fund stopoi. Fernando Alonso dhe bashkëpiloti, Mark Coma nuk pësuan asnjë dëm serioz. Ky aksident, megjithatë, i kushtoi ekuipazhit spanjoll dy orë e gjysmë ndalesë, kohë e çmuar në lidhje me garën, duke i zbehur çdo mundësi për të përfunduar edicionin në podium. Momentet dramatike shkaktuan panik te të gjithë të pranishmit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.