.png)
Nga Gazeta Si - Deri në fund të nëntorit, vendi do të përfshihet nga dy ekstremet e motit, ku herë do mbizotërojnë reshjet intensive e herë do të kemi ditë me diell.
Meteorolgët thonë se reshjet e sotme do të zgjasin deri ditën e enjte, ku do të ketë një ndërprerje të reshjeve. Të premten ndërkohë do të rinisin reshjet nga mesdita, ndërkohë që qytetet e ultërsirës perëndimore do të raportojnë probleme. Reshjet do të zgjasin edhe gjithë ditën e shtunë ku herë pas herë do të ketë stuhi ere në brigjet e Vlorës, por edhe në Adriatik. Temperaturat do të jenë në maksimum 20 gradë.
Ndërkaq, të dielën do të ketë mot me diell.
Metëeorologët thonë se toka është e ngopur me lagështirë dhe reshjet e sotme do luhaten deri në mbi 80 mm, një sasi e konsiderueshme në një kohë të shkurtër.
Reshjet rinisin të hënën dhe do të zgjasin deri nga data 20 nëntor.
Muaji nëntor do të jetë një muaj i lagësht dhe do ketë zona që do marrin edhe dyfishin e sasisë së reshjeve.
Kjo vjen për shkak të El Ninos që po ndjehet në të gjithë Europën.
“E gjithë vjeshta e munguar e shtatorit dhe tetorit po zbrazet në muajin nëntor, duke shkaktuar edhe përmbytje në shumë vende”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
