.png)
Gazeta Si – ‘Pole position’ i Maks Vershtapen në Montmelo'. Holandezi i Red Bull-it pa rivalë në kualifikueset e sotme, ku mposhti spanjollin Sainz të Ferrarit. Leklerk u skualifikua dhe do të niset nga rreshti i fundit në garën e nesërme. Zhgënjen edhe Alonso, i 9-ti.
Max Verstappen grabs his first-ever pole position in Spain! #SpanishGP #F1https://t.co/M5B67tC5vW
— Formula 1 (@F1) June 3, 2023
Kualifikuese të çuditshme ato të Çmimit të Madh të Spanjës, mes eliminimesh luksi, asfaltit të rrëshqitshëm, daljesh nga pista dhe fërkime mes shokëve të skuadrës. Lajmi më pak lajm është ‘pole position’ i Maks Vershtapen. Kampioni i botës regjistroi kohën më të mirë, 1’12”272. Pas tij Ferrari i Karlos Sainz, më pas MekLaren i Lando Norris dhe Alpine i Pierr Gaslit.
Hemilton në vend të 5-të, kurse për idhullin e shtëpisë, Fernando Alonso, vendi i 9-të, i mundur nga shoku i skuadrës, Lens Stroll, i 6-ti përpara Esteban Okon dhe Niko Hulkenberg. Mbyll 10-shen Oskar Piastri.
Modifikimet funksionuan te Ferrari i Sainz, por jo te Leklerk. Francezi tha se diçka nuk funksiononte dhe makina e tij vuajti në kualifikueset e para, duke zënë vendin e 19-të. Nuk i kishte ndodhur kurrë që kur është te Ferrari. Shkoi keq sot edhe për Serxhio Perez, i eliminuar në kualifikueset e dyta.
QUALIFYING CLASSIFICATION
— Formula 1 (@F1) June 3, 2023
Max Verstappen takes P1 for Sunday, with Carlos Sainz and Lando Norris behind!#SpanishGP #F1 pic.twitter.com/FuWjyVPCAz
Xhorxh Rasëll preku në mënyrë të pabesueshme shokun e skuadrës, Ljuis Hemilton, ndoshta duke mos e menduar se ky i fundit ishte në të majtë. Për fat të mirë, u dëmtua vetëm një pjesë e vogël e makinës së Hemilton, por rreziku ishte i madh. Eliminim për Rasëll, që niset nga vendi i 12-të.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
