.png)
Maks Vershtapen fiton garën e Austin, duke lënë pas Ljuis Hemiltonin dhe dyfishon avantazhin e pikëve ndaj kampionit të botës në klasifikimin e përgjithshëm. Anglezi duhet të kënaqet me vendin e dytë. Në vend të tretë Perez me Red Bull-in tjetër, ndërsa sfida mes Ferrarit dhe MekLaren është mbyllur në favor të skuderisë italiane, me Leklerk përpara Riçardo.
Hemilton e nisi shumë mirë garën, mori kryesimin që në start, por kjo nuk mjaftoi. Mercedesi reagoi me një ose dy xhiro vonesë pas pit stopit të Vershtapen, i cili mori komandën në pjesën qendrore të garës dhe e administroi mirë atë, duke përballuar një finale të vështirë, me goma shumë më pak të freskëta se ato të rivalit.
What a drive by @Max33Verstappen 👏
— Formula 1 (@F1) October 24, 2021
He earned that 👊#USGP 🇺🇸 #F1 pic.twitter.com/iNDm2xSgQB
Në fund të një fundjavë që dukej në favor të Mercedesit, Vershtapen dhe Red Bulli kanë bërë një goditje të madhe në garën e titullit. Në renditjen e përgjithshme, holandezi shkëputet 12 pikë para Hemiltonit (287.5 ndaj 275.5), që nuk u bënë 13, sepse anglezi në fund arriti të fitonte pikën bonus për xhiron më të shpejtë të garës. Nuk ndodhi që në Teksas të shihej ai dueli i egër që të gjithë prisnin.
What a race from our title contenders 👏👊
— Formula 1 (@F1) October 24, 2021
Take a bow @Max33Verstappen and @LewisHamilton! #USGP 🇺🇸 #F1 pic.twitter.com/2jQkylJ8C3
Sfida Vershtapen-Hemilton praktikisht eklipsoi gjithë pjesën tjetër. Perez zurin vendin e tretë dhe Leklerk vendin e katërt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
