.png)
Gazeta Si – Edhe pse u nis nga rreshti i 3-të, tre herë kampioni i botës fitoi edhe në Austin. Pas garës Sprint, ai triumfoi edhe në Çmimin e Madh, ku regjistroi fitoren numër 50 në Formula 1.
Maks Vershtapen kompletoi "clean sweep" e tij në Çmimin e Madh të SHBA-ve, duke kaluar finishin në Austin para Ljuis Hemilton dhe Lando Norris. Edhe pse u nis nga ‘pole’ me Leklerk, Ferrari nuk shkoi më shumë se vendi i 4-t me Sainz, ndërsa francezi pagoi zgjedhjen për të bërë vetëm një ndalesë dhe e mbylli garën në vend të 6-të, pas Perez dhe para Rasëll.
Norris kryesoi garën për një pjesë të mirë të saj, por u kalua nga SuperMaks në xhiron e 28-të. Holandezi arriti kështu edhe fitoren e 50-të në karrierë. Bashkë me të në pod u ngjitën edhe Hemilton dhe Norris. Kanë marrë pikë në këtë garë edhe Gasli, Stroll dhe Tsunoda, i cili regjistroi edhe xhiron më të shpejtë të garës.
Our points scorers in Austin 🇺🇸#F1 #USGP pic.twitter.com/3OShlexSLd
— Formula 1 (@F1) October 22, 2023
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
