.png)
Komisioni i Venecias ka miratuar opinionin përfundimtar për vettingun në politikë.
Komisioni i Venecias ka bërë ndryshime në draft opinionin për Shqipërinë, duke saktësuar se shtetet kanë të drejtë të kufizojnë të drejtën për t’u zgjedhur.
Sot në Venecia kanë qenë të pranishëm katër deputetë të PS, dy të PD si dhe këshilltari ligjor i demokratëve, Gazmend Bardhi, të cilët kanë depozituar edhe disa amendamente.
Sipas Komisionit të Venecias, në varësi të situatës politike, një kufizim për një rrethanë të caktuar, që mund të jetë i nevojshëm për një shtet, mund të mos aplikohet për një shtet tjetër.
Sipas Venecias, qëllimi i amendamenteve të PD është legjitim por nuk jep zgjidhje, ndaj parlamenti duhet të dialogojë për mekanizmin si do bëhet vettingu.
Amendamentet u miratuan pa kundërshtime. Kështu Komisioni i Venecias i hapi rrugë vettingut në politikë duke aprovuar opinionin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
