.png)
Pas vendimit të Strasburgut, ministri i Drejtësisë, Ulsi Manja tha se 21 janari është kapitull i hapur, për të cilin autoritetet shqiptare të drejtësisë duhet të dalin me një përgjigje të qarë.
“Më duhet të them që vendimi i Strasburgut dhe pse i vonuar pas 12 vitesh është një vendim i mirë, konfirmoi qëndrimet tona me 21 janarin, është konsideruar shkelje e nenit 2 të konventës. Autoritetet kanë detyrimin për të respektuar vendimin e Strasburgut. 21 janari kapitull i hapur, duhet të ketë përgjigje të qartë të autoriteteve shqiptare për 21 janarin. Strasburgu ka thënë 21 janari nuk është hetuar në gjithë dimensionin si krim shtetëror”, tha Manja.
Sa i takon rastit “Beleri”, Manja përsëriti se është çështje e drejtësisë.
"Më duhet të pohoj qëndrimin se, Beleri është çështje e drejtësisë. Greqia ka qëllimet e veta, por kjo është një çështje e drejtësisë. Nuk besoj se Greqia do bëhet pengesë për integrimin e Shqipërisë në BE", tha Manja.
Ministri i Drejtësisë tha se dosja për ekstradimin e Dritan Rexhepit, i arrestuar më 8 nëntor, do t'i kalojë autoriteteve turke.
“Ministria e drejtësisë në rastin konkret bën vetëm ndërmjetësin ndërmjet dy autoriteteve tona. Dokumentacioni që ka mbërritur në ministri është i plotë dhe shumë shpejt do ua nisim autoriteteve turke”, tha Manja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
