Vendet e Europës po mundohen të ripopullojnë fshatrat

Zvogëlimi i popullsisë rurale të Spanjës ka shqetësuar ligjvënësit dhe njerëzit e thjeshtë për vite me radhë. Tashmë Covid-19 po ndryshon peizazhin.

Për herë të parë pas disa dekadave, vendet periferike të Spanjës po marrin më shumë njerëz se sa po largojnë, lidhur me kërkesën për të jetuar në hapësira të mëdha dhe të gjelbërta.

Një ndryshim demografik që po shpaloset në shumë ekonomi të zhvilluara. SHBA dhe Britania e Madhe po shohin një prirje të ngjashme, megjithëse në Spanjë sfida është më e madhe. Qeveria po përpiqet të inkurajojë njerëzit të qëndrojnë akoma në vendet rurale të pabanuara edhe pas pandemisë.

Kryeministri spanjoll Pedro Sanchez, po synon ta kthejë në një plan afatgjatë këtë fenomen për të stimuluar zonat rurale. Pjesën më të madhe të fondit nga BE-ja, prej 140 miliardë euorosh, Spanja mendon ta investojë në infrastrukturën në fshatra.

Qeveria planifikon të investojë disa miliarda më shumë për restaurimin e ndërtesave komunale në zonat rurale dhe për të ndihmuar në mbrojtjen e trashëgimisë natyrore duke rritur bujqësinë e qëndrueshme, menaxhimin e pyjeve dhe peshkimin.

Unë nuk e di akoma nëse do të jem një grua rurale për pjesën tjetër të jetës sime, por ndoshta për dy ose tre vjet më shumë," tha Loli Garcia, një edukatore 39-vjeçare e cila u zhvendos me dy fëmijët e saj të vegjël shtatorin e kaluar nga Madridi në një fshat veri-lindor me popullsi 200 banorë,. “Gjëja që më pëlqen shumë e përdorur është natyra dhe liria. Dhe koha. Duket sikur keni kohë përsëri për të jetuar ”.

Nëse Spanja mundet të bindë banorët të qëndrojnë në fshat, do të kthente historinë.

Spanjollët filluan të lëviznin masivisht në qytete në fillim të viteve 1950, rreth një dekadë pas luftës civile të vendit. Eksodi i parë dhe më i madh rural i Spanjës zgjati deri në vitin 1991, duke rritur pjesën e banorëve të qyteteve në 80% nga 60%.

Trende të ngjashme të urbanizimit po transformonin vendet në të gjithë botën përgjatë gjysmës së dytë të shekullit të 20-të. Por ndërrimet në Spanjë ishin më të prekshme sepse njerëzit u zhvendosën në më pak qytete.

Kjo dukuri la një shenjë të pazakontë në Spanjë. Bazuar në numrin e kilometrave katrorë që përmbajnë të paktën një banor, vetëm rreth 13% e territorit është e populluar, krahasuar me pothuajse 70% në Francë dhe 60% në Gjermani. Rreth 3.403 komuna, ose më shumë se 40% e qyteteve në vend, janë ende në rrezik zhdukjeje. Këto qytete janë shtëpia e rreth një milion njerëzve.

Burimi: Bloomberg

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.