.png)
Një foshnjë vetëm 10-ditëshe ka ndërruar jetë në Maternitetin e Spitalit Rajonal të Beratit. Nga burimet spitalore bëhet me dije se fëmija kishte lindur nën peshë, e për këtë arsye mbahej në inkubator.
Nga këqyrja e jashtme e trupit të pajetë, nuk dallohen shenja ose probleme, ndërkohë pritet kryerja e autopsisë, nga ekspertë të Institutit të Mjekësisë Ligjore Tiranë.
Ende nuk dihen shkaqet e vdekjes së foshnjës, ndërkohë që kanë filluar hetimet ndaj bluzave të bardha të këtij spitali.
Materialet proceduriale i janë referuar Prokurorisë pranë Gjykatës së Shkallës së Parë të Beratit, për dy infermieret, përkatësisht për Kristina Shkarpa dhe Teuta Zema, 50 dhe 52 vjeç, banuese në Berat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
